Hamdamo Kya Mujhko Tum Un Se Mila Sakte Nahin

hamdamo kya mujh ko tum un se mila sakte nahin

main to ja sakta huun vaan gar yaan vo aa sakte nahin

sharm hai un ko bahut har-dam chimatne se mire

vo tadapte hain va-lekin ghul macha sakte nahin

haath men hai haath aur koi nahin hai as-pas

vo to hain qaabu men par ham ji chala sakte nahin

chaudhvin hai raat aur chhitki hui hai chandni

ham kamand ab un ke kothe par laga sakte nahin

kyuun miyan-‘rangin’ bhala ab is zamin men soch se

kya ghazal tum hasb-e-hal apni suna sakte nahin

bas main hain vo ghair ke ham ko bula sakte nahin

aur ham us ja kisi surat se ja sakte nahin

ham ko un se un ko ham se jitni ulfat hai use

vo ghata sakte hain lekin ham ghata sakte nahin

ghair se ham ko dilate hain vo lakhon galiyan

pichhli baten yaad ham un ko dila sakte nahin

but bane hain yuun to ham baten banate hain hazar

baat lekin vasl ki aslan bata sakte nahin