Poet
aisa lagta hai kisi gumbad se Takra.i na thi
varna kab avaz meri lauT kar aa.i na thi
tha tiri qurbat ki ankhon men har ik nashsha magar
niind se jaagi hui yadon ki angḌa.i na thi
ham ko andha kar ga.i thi ek gahri raushni
zulmaton ki zad men aa kar aankh pathra.i na thi
qaid tha kyuun chand sadiyon se hisar-e-abr men
kyuun ujalon ne use poshak pahna.i na thi
jal gaya apne hi andar ki hararat se badan
surajon ne ham pe koi aag barsa.i na thi
tere siine men tira ḳhuun barf kaise ho gaya
kya tire andar hararat ki tavana.i na thi
Leave a Reply