ik qissa-e-parina dhundla sa hai a.ina
ganjina-e-gauhar hai yadon se bhara siina
kyuun aankh churate hain milte hain jo mahfil men
ik vaqt men apne the ye hamdam-e-dairina
bahta hua paani bhi tham jaa.e na jumbish se
chheḌo na koi naghma ḳhamosh hai sazina
ik kun ki sadaon men mad.hosh gham-e-hasti
ham-raqs mah-o-anjum chhalke hain mai-o-mina
ankhon men liye vahshat sahil se ulajhte hain
tufanon ki chahat men marna bhi hai ab jiina
ik qissa-e-parina hai dhund ke raste men
ta-hadd-e-nazar dekhun taḳhliq ka a.ina
Leave a Reply