hamari us se jo surat hui safa.i ki
hujum-e-gham ne adu par baḌi chaḌha.i ki
faqir-e-mast tire hal-e-vasl kya janen
ki oḌhe baiThe hain kamli shab-e-juda.i ki
gada-e-kucha-e-janan huun martaba hai baḌa
ki mere naam hai jagir be-nava.i ki
hamin to alam-e-hasti men ik nikamme hain
tumhin men aa ga.iin sab ḳhubiyan ḳhuda.i ki
mile na kyuun tumhen shahon ka martaba ‘ashiq’
bahut dinon dar-e-ḳhvaja pe hai gada.i ki
Leave a Reply