Poet
hamari kavish-e-sher-o-suḳhan be-kar jaati hai
ghazal kaisi bhi ho us ke badan se haar jaati hai
ye kaise marhale men phans gaya hai mera ghar malik
agar chhat ko bacha bhi luun to phir divar jaati hai
mire ḳhvabon ka us ki aankh se rishta nahin TuuTa
miri parchha.in akasr jhiil ke is paar jaati hai
chalo azad ho kar kam se kam itna to ham sikhe
koi sarkar aati hai koi sarkar jaati hai
jala kar Thiik se taqon men in ko rakh diya jaa.e
to phir aise charaghon se hava bhi haar jaati hai
Leave a Reply