poet

Hamare Sath Ajab Hi Muamla Hua Hai

hamare saath ajab hi muamla hua hai

hava thahar si gai hai diya jala hua hai

usi maqam pe ik qafila ruka hua hai

jahan tumhara mira rasta juda hua hai

na jaane bad-e-saba kah gai hai kaan men kya

ki phuul shakh-e-burida pe bhi khila hua hai

mile ik umr ke baad aur is tarah se mile

vo chup hai aur hamara bhi sar jhuka hua hai

dayar-e-mahr ki sarhad talash karne ko

mah o nujum ka ik qafila chala hua hai

haqiqaten to atal hain badal nahin saktin

magar kisi ki tasalli se hausla hua hai

bajae do ke baje ek haath se taali

muamalat men aisa kabhi bhala hua hai

miri umiid ka hai teri aarzu ka hai

diya hai aur badi der se jala hua hai

umiid khil si gai hai mahak utha hai khayal

saba ki narm si dastak pe dil ko kya hua hai

mahak raha hai mire khaar khaar jivan men

vo lamha jo abhi mujh men gulab sa hua hai

More Poems

Leave a Comment