hamare haal ki ja kar unhen ḳhabar to karen
vo kyuun na a.enge tadbir chara-gar to karen
karenge arz bhi kuchh chain le zara ai dil
vo anjuman men hamari taraf nazar to karen
bahut se tishna-e-didar roz ja baiThen
magar kabhi vo sar-e-rahguzar guzar to karen
jala de sham.a ki manind tu mujhe ai ishq
ki aur log zara tujh se al-hazar to karen
ham un se zikr nahin karte bazm-e-a.ada ka
ki zikr vo hai ye manzur ho jo shar to karen
Leave a Reply