ahmad-ata

Hamara Ishq Salamat Hai Yani Hum Abhi Hain

hamara ishq salamat hai yaani ham abhi hain

vahi shadid aziyyat hai yaani ham abhi hain

usi purani kahani men saans lete hain

vahi purani mohabbat hai yaani ham abhi hain

na jaane kab se dar-e-dastan pe baithe hain

aur intizar ki himmat hai yaani ham abhi hain

talab ke karb men ik marg ke dua-go the

talab men vaisi hi shiddat hai yaani ham abhi hain

kasi ke naam pe ham dosti nibhate the

aur ab bhi vaisi hi shohrat hai yaani ham abhi hain

talab badhati chali ja rahi hai apni havas

so qadre khaam qanaat hai yaani ham abhi hain

kalam-e-‘mir’ ke sadqe men sher hote hain

jo bait hai so qayamat hai yaani ham abhi hain

ajab ye sher hain apne ki jin men ham bhi nahin

bas ek gham ki shararat hai yaani ham abhi hain

ye ishq peshgi dar-o-rasan ke hangame

ye rang zinda salamat hai yaani ham abhi hain

amir-e-shahr hai bechain shaikh khauf-zada

abhi talak ye adavat hai yaani ham abhi hain

na puuri hai na adhuri ye dastan-e-alam

koi suni si hikayat hai yaani ham abhi hain

More Poems

Leave a Comment