hairan bahut tabish-e-husn-digaran thi
tujh lab ki sifat lal-e-badaḳhshan men kahan thi
phaila kiye dariya-e-mohabbat ke kinare
un jhiil si ankhon men koi chiiz nihan thi
har jashn-e-tarab-nak pe majlis ka asar tha
har uḌte hue bose men gard-e-gham-e-jan thi
ya arz-e-yaqin par thi bichhi barf ki chadar
ya ghere hue phir mujhe duniya-e-guman thi
ham bargah-e-vasl ke Thukra.e hue log
ik sohbat-e-ayyam thi so nazr-e-fughan thi
ham zabt ke maron ka ajab haal tha ‘saqib’
jo baat chhupani thi vo chehron se ayaan thi
Leave a Reply