Hain Dil Jigar Hamare Ye Mahr-O-Mah Donon

hain dil jigar hamare ye mahr-o-mah donon

pahunche hain asman pe ham-rah-e-ah donon

hai bazm-e-be-vafai raunaq-e-pazir in se

raushan rahen ye teri chashm-e-siyah donon

ai turk-e-chashm teri khun-rezi-e-mizha se

piten hain sar gunahgar aur be-gunah donon

bimar dil ke hamdam ik dard-o-gham the so bhi

bahr-ayadat aate hain gaah gaah donon

koi zulf ko kahe zulf kakul ko samjhe kakul

apni nazar men to hain mar-e-siyah donon

tanha kategi kyuun kar ai sail-e-ashk kah tu

hamdam dil o jigar the ho gae tabah donon

kya shaikh kya barahman hain pher men dui ke

gumrah ho gae hain bhule hain raah donon

Leave a Comment