hai yad-e-yar se ik aag mushta.il dil men
ajab hai ḳhuld-o-jahannam hain muttasil dil men
jo chupke chupke hamen kuchh kahe vo ap sune
paḌe usi ko jo kosega ham ko dil dil men
karoge ab bhi bura.i mai-e-mughan ki shaiḳh
na kahiye munh se magar hoge to ḳhajil dil men
ga.e vo paani to multan ab gino maujen
kahan vo josh ab ai ashk pa-ba-gul dil men
ulu ye ḳhuub hua aap tum chale aa.e
main kahta hi tha ki aaj un se ja ke mil dil men
pakaḌ jo kal liya chuski lagate zahid ko
bata.un kya ki hua kaisa munfa.il dil men
Leave a Reply