hai vahi naz-afrin a.ina-e-niyaz men
jis ki ziya hai soz men jis ki sada hai saaz men
apne niyaz-mand hai parde ki rasm-o-rah hai
varna hijab ko kahan daḳhl harim-e-naz men
sajde men mar gaya agar phir na uThega hashr tak
qaid na rakhiye vaqt ki mere liye namaz men
naaz ko nuur kar diya sarvar-e-ka.inat ne
vo jo lagi thi tuur par aa ke bujhi hijaz men
‘natiq’ soḳhta-jigar dil pe to haath rakh zara
ab ke bhi kuchh chamak si thi nala-e-jan-gudaz men
Leave a Reply