Afzal Naved
hai usi shahr ki galiyon men qayam apna bhi
ek takhti pe likha rahta hai naam apna bhi
bhigti rahti hai dahliz kisi barish men
dekhte dekhte bhar jaata hai jaam apna bhi
ek to shaam ki be-mehr hava chalti hai
ek rahta hai tire ku men khiram apna bhi
koi aahat tire kuche men mahak uthti hai
jaag uthta hai tamasha kisi shaam apna bhi
ek badal hi nahin bar-e-garan se nalan
sargiran rahta hai ik zor kalam apna bhi
koi rasta mire virane men aa jaata hai
usi raste se nikalta hai davam apna bhi
ek dil hai ki jise yaad hain baten apni
ek mai hai ki jise raas hai jaam apna bhi
yunhi logon ke pas-o-pesh men chalte chalte
gard udti hai bikhar jaata hai naam apna bhi
mubtala kar-e-shab-o-roz men hai shahr ‘naved’
aur isi shahr men gum hai koi kaam apna bhi
Leave a Reply