hai muft dil ki qimat agar ik nazar mile
ye vo mataa hai ki na len muft agar mile
insaf kar ki laun main phir kaun sa vo din
mahshar ke rose bhi na jo dad-e-jigar mile
parvana-var hai had-e-parvaz shoala tak
jalne hi ke liye mujhe ye bal-o-par mile
aane se khat ke jaate rahe vo bigad sab
ban aai ab to hazrat-e-dil lo khizr mile
kya shukr ka maqam hai marne ki jaahe dil
kuchh muztarib se aaj vo bairun-e-dar mile
aalam kharab hai na nikalne se aap ke
niklo to dekho khaak men kya ghar ke ghar mile
hai sham-e-hijr aaj o zalim o falak
gardish vo kar ki shaam se aa kar sahar mile
go paas ho pa chain to hai is bigad men
kya lutf tha lade vo idhar aur udhar mile
dil ne mila diin khaak men sab vaza-dariyan
juun juun ruke vo milne se ham beshtar mile
tuute ye bakhiya zakhm ka hamdam kahin se la
khanjar mile katar mile neshtar mile
tha asl main murad dubona jahan ka
qabil samajh ke goya hamen chashm-e-tar mile
us ki gali men le gae ‘azurda’ ko ise
di thi dua ye kis ne ki jannat men ghar mile
Leave a Reply