Hai Kya Khizan Mein Mumkin Sahra Mein Bagh Nikle

hai kya khizan men mumkin sahra men baagh nikle

zulmat ko jo mitae aisa charagh nikle

shor-e-safir-e-bulbul se gunjta tha kal tak

kyuun aaj mere ghar men rone ko zaagh nikle

dagh-e-qamar se akhir jab ashna hua main

jitne raqib paae un men na daagh nikle

Darta tha main na aae vaqt-e-firaq mujh par

kuchh vasl se tire ab haul-e-dimagh nikle

ho justuju men jis ki hai vo mazar kaisa

kya apni qabr ka tum lene suragh nikle

main thak chuka huun ‘naqid’ targhib-e-zindagi se

chahun ufuq se akhir roz-e-faragh nikle

More Poems

Leave a Comment