Santosh Khirvadkar
hai kahan kaun hai kaisa vo nazar aata hai
ḳhud men kam mujh men ziyada vo nazar aata hai
kya ta.alluq hai mira us se bata.un kaise
har dua men mujhe chehra vo nazar aata hai
tishnagi jab mujhe didar ki taḌpa.e to
aise halat men dariya vo nazar aata hai
gher lete hain mujhe jab bhi andhere gham ke
mera hamdard akela vo nazar aata hai
tum ne puchha kabhi ‘santosh’ se ja kar yaaro
kis liye bhiiḌ men tanha vo nazar aata hai
Leave a Reply