hai dil-e-sozan men tuur us ki tajalli-gah ka
ru-e-atishnak har shola hai meri aah ka
vasl kya ham khaksaron ko ho is dil-khvah ka
khaak men aluda hona kab hai mumkin maah ka
nur-afshan jab se hai dil men khayal us maah ka
tuur ka shola dhuan hai meri sham-e-ah ka
qamat-e-mauzun nazar aae mujhe ja-e-alif
tha shuru-e-ashiqi din meri bismillah ka
samjhe mai-kash dekh kar abru tiri bala-e-chashm
mai-kade se martaba aala hai baitullah ka
amad-e-khat men to hone de nigahon ka guzar
dekh le bachne nahin paata hai sabza raah ka
khalq ne quran dekha jab hua mah-e-rajab
ham ne dekha mushaf-e-rukhsar apne maah ka
aate hi us tifl ke raushan siyah-khana hua
shama saan jalva hai us ke qamat-e-kotah ka
yaar ka ‘nasikh’ phata hai pairahan to aib kya
hai katan ko chaak karna kaam nur-e-mah ka