Badiuzzaman Khawar
hai bahut mushkil nikalna shahr ke bazar men
jab se jakḌa huun main kamre ke dar-o-divar men
chhe baras ke ba.ad ik suune makan ke bam-o-dar
bas ga.e hain phir kisi ke jism ki mahkar men
mujh ko apne jism se bahar nikalna chahiye
varna mera dam ghuTega is andhere ghaar men
yaad use ik pal bhi karne ki mujhe fursat nahin
mubtala sadiyon se mera dil hai jis ke pyaar men
dekhte hain log jab ‘ḳhavar’ purani aankh se
kya nazar aa.e koi ḳhubi na.e fankar men
Leave a Reply