Ghulam Husain Sajid
kisi ko zahr dunga aur kisi ko jaam dunga
main apne jan-nisaron ko yahi in.aam dunga
andhere men damak uThte hain jitne bhi sitare
agar fursat mili to main unhen kuchh naam dunga
kisi tarik miTTi par mujhe bhi saath rakhna
ki main tujh ko kisi mushkil ghaḌi men kaam dunga
thaka-hara huun tanha huun magar ye baat tai hai
main tohfe men tujhe ik roz mulk-e-sham dunga
dukan-e-aslaha se main ne jo shamshir li hai
main us ke daam puchhunga na us ke…. daam dunga
mujhe har roz kahta hai ye baat ab mera beTa
tujhe main is buḌhape men bahut aram dunga
Leave a Reply