Hai Bad Bala Kisi Ko Gham-E-Jawedan Na Ho

hai bad bala kisi ko gham-e-javedan na ho

ya ham na hon jahan men khuda ya jahan na ho

ain-e-ahl-e-ishq kahan aur ham kahan

ai aah shola-bar na ho khun-chakan na ho

fel-e-hakim ain salah o savab hai

saaqi agar sharab na de sargiran na ho

tadbir tark-e-dushman-e-jan ki hai raat din

kis tarah phir mujhe gila-e-dostan na ho

kya vo mata’a jis ki na ho koi ghaat men

Darta huun main jo duzd pas-e-karvan na ho

jab tak farogh-e-mai se na ho siina nur-zar

hargiz harif-e-mai-kada asrar-dan na ho

lazim hai yaar bhi to ho betab varna kya

vo ishq hai ki ranj yahan ho vahan na ho

nahaq vo ji jalate hain sauda-e-ishq par

jin ko ye soch hai ki kuchh is men ziyan na ho

ham bu-e-dost tujh ko sunghaenge ‘shefta’

mahv-e-shamim turra-e-ambar-fishan na ho

Leave a Comment