Hae Us Shokh Ka Andaz Se Aana Shab-E-Wasl

haae us shokh ka andaz se aana shab-e-vasl

aur rah rah ke vo ehsan jatana shab-e-vasl

qahr hai zahr hai aghyar ko laana shab-e-vasl

aise aane se to behtar hai na aana shab-e-vasl

duur koson meri balin se udi phirti hai

kya koi DhunD liya aur thikana shab-e-vasl

hasil us zikr-e-taghaful se guzasht anche guzasht

faeda fitna-e-khufta ko jagana shab-e-vasl

ye lagavat to raqibon ke raqibon se rahe

ab kabhi aa ke mujhe munh na dikhana shab-e-vasl

Leave a Comment