Sagheer Malal
bara.e naam sahi sa.eban zaruri hai
zamin ke liye ik asman zaruri hai
ta.ajjub un ko hai kyuun meri ḳhud-kalami par
har aadmi ka koi raz-dan zaruri hai
zarurat us ki hamen hai magar ye dhyan rahe
kahan vo ghair-zaruri kahan zaruri hai
kahin pe naam hi pahchan ke liye hai bahut
kahin pe yuun hai ki koi nishan zaruri hai
kahaniyon se malal un ko niind aane lagi
yahan pe is liye vo dastan zaruri hai
Leave a Reply