hadson hi men zindagi ji hai
ham ne qiston men ḳhud-kushi ki hai
jhuk ke jiina hamen nahin aata
aur avaz bhi kuchh unchi hai
aap se kuchh gila nahin sahab
apni taqdir hi kuchh aisi hai
sher paḌhna yahan sambhal ke miyan
aur basti nahin ye dilli hai
chehra us ka kitab jaisa hai
aur rangat gulab ki si hai
ham ne ‘rahmat;’ ghazal ke lahje men
‘mir’-sahib se guftugu ki hai
Leave a Reply