Haalat-E-Haal Mein Aadab Nahin Bhulta Main

Nadeem Bhabha

halat-e-hal men adab nahin bhulta main

ḳhud ko bhulun bhi to ahbab nahin bhulta main

main abhi ishq nahin halat-e-iman men huun

jang karte hue asbab nahin bhulta main

jazb karti hui ḳhilqat se mohabbat hai mujhe

chand ko chhoḌiye talab nahin bhulta main

ai mujhe ḳhvab dikhate hue logo sun lo

mera dukh ye hai koi ḳhvab nahin bhulta main

parsa.i nahin tanha.i mayassar thi vahan

so tire mimbar-o-mehrab nahin bhulta main