gumrahi ka miri saman hua jaata hai
rasta ziist ka asan hua jaata hai
ik taraf ruuh ki parvaz ko jaise tayyar
ik taraf jism ki be-jan hua jaata hai
dasht-e-ghurbat hai ki abad hamare dam se
ghar ka angan hai ki viran hua jaata hai
kyuun na phir dhuup bhi ban jaa.e ghaTa jab ham par
aap ka saya-e-mizhgan hua jaata hai
kah diya aap ne kya kaan men chupke se ise
dil men barpa mire haijan hua jaata hai
aap ki meri hi ghazlon ki hain katran saari
jin se vo sahab-e-divan hua jaata hai
di hai chupke se ‘obaid’ us ne labon par dastak
shor barpa tah-e-shiryan hua jaata hai
Leave a Reply