guman paḌta yahi hai ki rahbari hui hai
ye apni raah kisi raah se juḌi hui hai
hazar abr mohabbat yahan baras bhi chuke
bas ek shaḳh-e-tamanna nahin hari hui hai
guzishta shab se vo hai shahr men kahin maujud
faza men ḳhushbu-e-vabastagi rachi hui hai
mili thi ham ko ḳhuda se bahisht ke badle
magar ye zindagi me.aar se giri hui hai
ufuq pe phaila hua hai firaq-e-yar ka rang
udaas shaam miri god men paḌi hui hai
Leave a Reply