Amit Bajaj
guftugu ek pal ruki bhi nahin
baat karni thi jo hui bhi nahin
aise dekho to sab adhura hai
vaise dekho to kuchh kami bhi nahin
ham bujha.enge ham bujha.enge
aag jo Thiik se lagi bhi nahin
mujh se ik shikva hai zamane ko
chaal puchhi bhi aur chali bhi nahin
rabt TuuTa to TuuT jaane diya
jism ke saath ruuh thi bhi nahin
ham aur aap ik ghazal ka charba hain
vo ghazal jo abhi hui bhi nahin
Leave a Reply