Guftugu Ek Pal Ruki Bhi Nahin

guftugū ek pal rukī bhī nahīñ

baat karnī thī jo huī bhī nahīñ

aise dekho to sab adhūrā hai

vaise dekho to kuchh kamī bhī nahīñ

ham bujhā.eñge ham bujhā.eñge

aag jo Thiik se lagī bhī nahīñ

mujh se ik shikva hai zamāne ko

chaal pūchhī bhī aur chalī bhī nahīñ

rabt TuuTā to TuuT jaane diyā

jism ke saath ruuh thī bhī nahīñ

ham aur aap ik ġhazal kā charba haiñ

vo ġhazal jo abhī huī bhī nahīñ

Leave a Comment