Goya Ki Chhini Pairon Ke Niche Ki Zamin Hai

goyā ki chhinī pairoñ ke nīche kī zamīñ hai

kyā paas tire jhūTī tasallī bhī nahīñ hai

ham ne to use kar hī diyā dil se bahut duur

par us kā ḳhayāl us kī mohabbat to yahīñ hai

ma.alūm hai yārab hai tū shah-e-rag se qarīñ-tar

vo shaḳhs magar jo mirī dhaḌkan ke qarīñ hai

haiñ aap hī kyuuñ hālat-e-afsos kī jā par

kyā hogī ‘an.am’ aap kī jab apnī nahīñ hai

Leave a Comment