ehtimam-e-rasan-o-dar se kiya hota hai
jis qadar zulm baḌhe azm siva hota hai
saut o ahang hi pairaya-e-iz.har nahin
be-nava.i men bhi andaz-e-nava hota hai
gham-zado da.era-e-gham se nikal kar dekho
dard se dard ka ehsas baḌa hota hai
itne badle ga.e adab ki ab mahfil men
dil ki dhaḌkan pe bhi ehsas-e-saza hota hai
ravish-e-vaqt se mayus na hon ahl-e-nazar
saneha qismat-e-arbab-e-vafa hota hai
Leave a Reply