agha-shayar-qazalbash

Giri Gir Kar Uthi Palti To Jo Kuchh Tha Utha Lai

giri gir kar uthi palti to jo kuchh tha utha laai

nazar kya kimiya thi rang chehron se uda laai

khuda ke vaste saffakiyan ye kis se sikhi hain

nazar se pyaar manga tha vo ik khanjar utha laai

na hasrat hi nikalti hai na dil ko aag lagti hai

miri hasti mire daman men kya kanta laga laai

vo sab badmastiyan thiin zar ki ab zar hai na piite hain

hamari muflisi khud raah par ham ko laga laai

mitane ko hamare ye zamin-o-asman donon

hamesha mil ke chalte hain ba-in pasti-o-balai

jo kuchh dekha na dekha jo suni vo an-suni ‘shair’

na aae ham yahan ye zindagi muft-e-khuda laai

More Poems

Leave a Comment