Poet
giraftari ki lazzat aur nira azad kya jaane
khushi se katna gham ka dil-e-nashad kya jaane
isi ghaflat se lazzat haigi hasil khvab-e-shirin men
hamari talkh-kami ka maza farhad kya jaane
tasavvur surat-e-maani ka bandhe hai qusur-e-dil
haqiqat ki ye sanat mani-o-bahzad kya jaane
taraddud men hai mere zabh ke ai ‘ishq’ vo ab tak
nigah-e-naz se bismil hua jallad kya jaane
Leave a Reply