gila tire firaq ka jo aj-kal nahin raha
to kyuun bhala ye mustaqil azaab Tal nahin raha
main kis se iltija karun kahan se ibtida karun
dua ahal rahi nahin gila badal nahin raha
main raston ki bhiiḌ men kahan ye aa gaya ki ab
koi bhi rasta tiri gali nikal nahin raha
vo naqsh-e-pa ko dekh kar chala ho mujh ko DhunDne
isi guman ke evaz main tez chal nahin raha
faqat yahi hai aarzu tu mil kahin to ru-ba-ru
ye dil tire firaq men kahin sambhal nahin raha
Leave a Reply