ghuT ke rah ja.unga be-ehsas gham-ḳhvaron ke pech
aa gaya huun apne hi kamre ki divaron ke biich
main mira dil raat piila chand teri yaad ka
mar rahi hai ik kahani apne kirdaron ke biich
murta.ish hain chand sansen to sukut-e-shahr men
koi to zinda hai is malbe ke ambaron ke biich
ghuT ke mar jaa.en nadamat se na apne rahnuma
phans ga.i hain gardanen tahsin ke haron ke biich
Leave a Reply