ghurur-e-jan ko mire yaar bech dete hain
qaba ki hirs men dastar bech dete hain
ye log kya hain ki do-char khvahishon ke liye
tamam umr ka pindar bech dete hain
junun-e-zinat-e-araish-e-makan ke liye
kai makin dar-o-divar bech dete hain
zara bhi nirkh ho baala to tajiran-e-haram
galim o jubba o dastar bech dete hain
bas itna farq hai yusuf men aur mujh men ‘faraz’
ki us ko ghair mujhe yaar bech dete hain
Leave a Reply