afzal-minhas

Har Chand Zindagi Ka Safar Mushkilon Mein Hai

har chand zindagi ka safar mushkilon men hai

insan ka aks phir bhi kai ainon men hai

tahzib ko talash na kar shahr shahr men

tahzib khanDaron men hai kuchh pattharon men hai

tujh ko sukun nahin hai to mitti men Duub ja

abad ik jahan zamin ki tahon men hai

kaisa tazad hai ki faza hai dhuan dhuan

aur aag hai ki zer-e-zamin khandaqon men hai

insan be-hisi se hai patthar bana hua

munh men zaban bhi hai lahu bhi ragon men hai

More Poems

Leave a Comment