ghubar dil men bhara kirkiri salam-alaik
hai kis ke kaam ki ye zahiri salam-alaik
karen na sidhi nigah dusri salam-alaik
hai ab ke yaron ki ye jharjhari salam-alaik
talavvun aisa in abna-e-rozgar men hai
ki subh miliye to hai charpari salam-alaik
mabada baat men bu-e-tamaa agar paven
phir un ki ankhon se teri giri salam-alaik
jo shaam dekho to phir in tilon men tel nahin
churai ankhen hain bhauven phiri salam-alaik
ba-qaul-e-shaer-e-bangala ‘azfari’ yuun rah
”ki khana ganth ka in se niri salam-alaik”