Ghir Ke Ghabraate Na the Hijr Ke Aazaron Mein

ghir ke ghabrāte na the hijr ke āzāroñ meñ

jab ki tāqat thī kabhī aap ke bīmāroñ meñ

le ke ham dil ga.e kahte ye jafā-kāroñ meñ

kaun letā hai ise itne ḳharīdāroñ meñ

dī rihā.ī mujhe sayyād ne ai vaa.e nasīb

daḳhl jab fasl-e-ḳhizāñ kā huā gulzāroñ meñ

mere marne kā huā rañj har ik qaidī ko

ki hai kohrām bapā tere giraftāroñ meñ

dast-e-nāzuk se mujhe jaam diyā saaqī ne

aabrū baḌh ga.ī ….aur aaj se mai-ḳhvāroñ meñ

ātish-e-hijr se kyā Dar jo tirī marzī se

raat kar deñge basar loT ke añgāroñ meñ

pheñk denā na kahīñ bhuul ke hañgām-e-sahar

dil bhī lipTā hai inhīñ sūkhe hue hāroñ meñ

nāla-e-bulbul-e-shaidā na jise phāñd sake

ye bulandī to nahīñ baaġh kī dīvāroñ meñ

niklā vo tīr-e-nigah bhī to ye kah kar niklā

merā dāman na ulajh jaa.e kahīñ ḳhāroñ meñ

yuuñ sunā.ī ga.ī hai us ko ḳhabar ‘ālim’ kī

mar gayā koī tire taaza giraftāroñ meñ

Leave a Comment