Poet
tanduruston men na bimaron ke biich
ishq ke huun main dil-afgaron ke biich
ishq hai sair-e-khuda ai dostan
is liye ashraf hai asraron ke biich
manzil-e-dur-o-daraz-e-ishq men
gham ko paaya ham ne gham-khvaron ke biich
dostan hai la-dava dur-az-shifa
ishq ka azar azaron ke biich
ab to hai kunj-e-qafas ghar par kabhi
bulbulo the ham bhi gulzaron ke biich
kya kahen ham kah nahin sakte hain yaar
andkon men hai ki bisyaron ke biich
jis ke juuya momin o mushrik hain vo
subbahon men hai na zunnaron ke biich
rahm kar ham par bhi dil-bar hain tire
ishq ke hathon se avaron ke biich
gul ne ta daava kiya rukh se tire
be-qadar bakta hai bazaron ke biich
ya husain-ibn-e-ali ‘matam’ ko bhi
kiije dakhil apne zavvaron ke biich
Leave a Reply