ulfat ka anjam bura hai
daana achchha daam bura hai
shaiḳh achchhe hain aur bure ham
bad achchha badnam bura hai
shaiḳh ke munh men pand-o-nasihat
mai achchhi hai jaam bura hai
is duniya men aksar dekha
jurm achchha ilzam bura hai
hirs ki baten karne vaalo
is shai ka anjam bura hai
ahd-e-vafa par marne vaalo
mat karna ye kaam bura hai
vasl ka va.ada kar ke bole
ab kahiye paigham bura hai
Leave a Reply