Ibrahim Ashk
ghazal ho ga.i jab bhi socha tumhen
fasane bane jab bhi likkha tumhen
kabhi dhuup ho tum kabhi chandni
samajh kar bhi koi na samjha tumhen
gharaz koi suraj se ham ko nahin
sahar ho ga.i jab bhi dekha tumhen
mujhe apne dil par baḌa naaz hai
baḌe naaz se jis ne rakkha tumhen
kabhi meri ankhon men jhanko zara
yahan koi tum sa milega tumhen
ye thi ‘ashk’ sahab ki divangi
the tum ru-ba-ru phir bhi DhunDa tumhen
Leave a Reply