ghaTa.en ghirti hain bijli kaḌak ke girti hai
ye kis ki pyaas hai jo be-qarar phirti hai
ajiib ḳhauf ki basti hai ye diya hi nahin
hava bhi ḳhvahish-e-dil ko chhipa.e phirti hai
nazar na pher nadamat ko sair hone de
ye badli dil men kahan roz roz ghirti hai
sameT leti hai har shai ko apne paikar men
shabih kis ki hai jo putliyon men phirti hai
haveli chhoḌne ka vaqt aa gaya ‘arshad’
sutun larazte hain aur chhat ki miTTi girti hai
Leave a Reply