Rais Farogh
ghar mujhe raat bhar Dara.e gaya
main diya ban ke jhilmila.e gaya
kal kisi ajnabi ka husn mujhe
yaad aaya to yaad aa.e gaya
koi gha.el zamin ki ankhon men
niind ki konplen bichha.e gaya
safar-e-ishq men badan us ka
duur se raushni dikha.e gaya
apni lahron men ranj ka mausam
ansuon ke kanval khila.e gaya
shahr ka ek barg-e-avara
dasht-o-dar ki hansi uḌaa.e gaya
aur mira tiin saal ka bachcha
is himaqat pe muskura.e gaya
mujh men kya baat thi ra.is-farogh
vo sajan kyuun mujhe rijha.e gaya
Leave a Reply