Gham to Ye Bhi Hai Ki Taqdir Bhi Roi Barson

ġham to ye bhī hai ki taqdīr bhī roī barsoñ

haa.e vo zulf-e-girah-gīr bhī roī barsoñ

dil kisī sā.at-e-giryāñ kā navishta jis kī

huī tafsīr to tafsīr bhī roī barsoñ

ābdīda bhī thā maiñ naqsh ba-dīvār bhī thā

mujh ko dekho ki ye tasvīr bhī roī barsoñ

us ko bhī karnā paḌī dasht-navardī kyā kyā

paañv paḌ kar mire zanjīr bhī roī barsoñ

Leave a Comment