Majid Ali Kavish
gham se na ansuon se na divangi se ham
vaqif nahin the aap se pahle kisi se ham
zinda rakhin buzurgon ki ham ne rivayaten
dushman se bhi mile to mile ajizi se ham
sab sar-phiri havaon ko dushman bana liya
raushan hue the laḌne ko ik tirgi se ham
sansen mahak rahi hain nigahon men nuur hai
phir aaj mil ke aa.e hain ik aadmi se ham
suraj to sirf din ke ujale ka hai imaam
ham hain charagh laḌte hain tira-shabi se ham
badnam ho raha hai muqaddar to be-sabab
barbad hain ḳhud apne amal ki kami se ham
Leave a Reply