Subhan Asad
gham se fursat nahin ki tujh se kahen
tujh ko raghbat nahin ki tujh se kahen
hijr-patthar gaḌa hai siine men
par vo shiddat nahin ki tujh se kahen
aarzu kasmasa.e phirti hai
koi surat nahin ki tujh se kahen
ḳhamushi ki zaban samajh lena
apni aadat nahin ki tujh se kahen
dard had se siva to hai lekin
aisi halat nahin ki tujh se kahen
dil ko ab bhi tira junun hai ‘asad’
aisi vahshat nahin ki tujh se kahen
Leave a Reply