Poet
gham ki be-panahi men dil ne hausla paaya
tirgi ke jangal men chashma-e-ziya paaya
aftab ka paikar ban gaya badan apna
raushni men saa.e ka sehr TuTta paaya
khul ga.i jo aankh apni vaqt ki sada sun kar
an-ginat jahanon ka dar khula hua paaya
har qadam pe saath apne ḳhud ko dekhte hain ham
ham-safar koi apna ab na dusra paaya
muddaton ke ba.ad un se is tarah mile hain ham
ajnabi koi jaise surat-ashna paaya
gard men hua hai gum qafila zamane ka
aftab ko apne saa.e men paḌa paaya
le uḌi ‘nadim’ aḳhir zindagi ki tughyani
ruuh ke samundar men jism Dubta paaya
Leave a Reply