gham ke bharose kya kuchh chhoḌa kya ab tum se bayan karen
gham bhi raas na aaya dil ko aur hi kuchh saman karen
karne aur kahne ki baten kis ne kahin aur kis ne kiin
karte kahte dekhen kisi ko ham bhi koi paiman karen
bhali buri jaisi bhi guzri un ke sahare guzri hai
hazrat-e-dil jab haath baḌha.en har mushkil asan karen
ek Thikana aage aage pichhe ek musafir hai
chalte chalte saans jo TuuTe manzil ka elaan karen
‘mir’ mile the ‘mira-ji’ se baton se ham jaan ga.e
faiz ka chashma jaari hai hifz un ka bhi divan karen
Leave a Reply