haidar-ali-aatish

Is Ke Kuche Mein Masiha Har Sahar Jata Raha

is ke kuche men masiha har sahar jaata raha

be-ajal vaan ek do har raat mar jaata raha

ku-e-janan men bhi ab is ka pata milta nahin

dil mira ghabra ke kya jaane kidhar jaata raha

janib-e-kohsar ja nikla jo main to kohkan

apna tesha mere sar se maar kar jaata raha

ne kashish maashuq men paata huun nai ashiq men jazb

kya bala aai mohabbat ka asar jaata raha

vah-re andher bahr-e-raushni-e-shahr-e-misr

dida-e-yaqub se nur-e-nazar jaata raha

nashsha hi men ya ilahi mai-kashon ko maut de

kya guhar ki qadr jab ab-e-guhar jaata raha

ik na ik munis ki furqat ka falak ne gham diya

dard-e-dil paida hua dard-e-jigar jaata raha

husn kho kar ashna ham se hua vo naunihal

pahunche tab zer-e-shajar ham jab samar jaata raha

ranj-e-duniya se faragh iza-dahindon ko nahin

kab tap-e-shir utri kis din dard-e-sar jaata raha

fatiha padhne ko aae qabr-e-‘atish’ par na yaar

do hi din men pas-e-ulfat is qadar jaata raha

More Poems

Leave a Comment