aah ai sauda-e-ḳham-e-arzu
ta-ba-kai aḳhir nizam-e-arzu
zabt-e-ah-e-dil-shikan aur main hazin
kar raha huun ehtiram-e-arzu
hoshiyar ai infi.al-e-kaif-za
husn tak pahuncha payam-e-arzu
chashm-e-lutf-agin nae andaz se
le rahi hai intiqam-e-arzu
ahl-e-dil zinda hain kis ummid par
nazm-e-duniya hai nizam-e-arzu
yaas ki gunjaishen kis dil men hain
le raha hai kaun nam-e-arzu
bazm-e-anjum jab sarapa-gosh thi
kaash tum sunte payam-e-arzu
aah ab ḳhuddari-e-akbar kahan
ho gai vo bhi ghulam-e-arzu
Leave a Reply