Gham Jab Un Ka Diya Hua Gham Hai

gham jab un ka diya hua gham hai

haif us aankh par jo pur-nam hai

dil ki avaz laakh maddham hai

dil ki avaz men baḌa dam hai

zindagi men sukun ke talib

zindagi ḳhud hi mustaqil gham hai

un ke jaate hi ye hua mahsus

jaise taron men raushni kam hai

chain hai tark-e-arzu ke ba.ad

arzuon ka naam hi gham hai

har nafas maḳhzan-e-alam hai ‘ra.is’

shukr hai umr-e-admi kam hai